2011年7月7日星期四

米妮和鯊魚

究竟米妮和鯊魚可以創造出甚麼故事?

昨午妹妹拉著媽媽,要媽媽用米妮和鯊魚手偶說故事,哥哥問:「點講呀?兩隻公仔差咁遠(STYLE)。」

媽媽話:「唔緊要啦,都講下啦。」

唱完說說故事歌,兩個孩子排排坐,留心聽故事。



-------
雅燕媽媽即興創作之:《愛護鯊魚小故事》

「啦啦啦.....啦啦啦......」媽媽舞動鯊魚手偶,一邊扮游泳,一邊在唱歌。

這個時候,米妮坐在岸邊看海(其實是坐在媽媽膝上啦),她聽到海裡傳來很難聽的歌聲。

米妮大叫:「喂,係邊個響個海度唱d咁難聽ge歌ar?」孩子聽到哈哈大笑。

鯊魚游近岸,望一望米妮,心想:「嘩,我沒見過會說話的老鼠,好可怕啊!」

米妮看見鯊魚大嚇一跳,心裡想:「嘩,佢膨牙已經夠得人驚,仲要識唱歌,真係好可怕啊!」

為了表示自己不害怕,米妮說:「我未見過識唱歌ge鯊魚喎,乜你咁奇怪ga?」

鯊魚雖然表面很兇惡,但全無惡意,不過聽到米妮這樣說,便回應:「我都未見過識講o野ge老鼠喎,你夠奇怪啦!」

米妮和鯊魚都說對方後奇怪,互相爭吵了一番後,米妮忍不住說:「喂,我地咁樣拗,真係好無聊。話時話,你d牙又多又尖,會唔會食我ga?」

鯊魚說:「我唔食老鼠,我食小魚ga。」

米妮說:「我都食小魚ga,不過d人唔食老鼠,好似淨係食你喎。」
鯊魚大驚,說:「吓?你都知道ar,不過其實我d肉唔好食ga,唔信你試下。」鯊魚游去米妮那裏,米妮「呀」一聲咬落去,再「嘩」一聲大叫。

米妮叫妹妹同哥哥:「Daniel同Hosanna,你地都試下,鯊魚好唔好味。」(鯊魚游近哥哥和妹妹)

他們「呀」一聲扮咬完鯊魚後,鯊魚問他們:「係咪d肉好"鞋"口呀?」

(兩個笑笑口點頭)

米妮問:「係咪好"un"咬唔入口呀?」

(兩個又笑笑口點頭)

旁白(媽媽)問兩個小朋友:「咁點解鯊魚都唔好食,d人每年又食咁多?每年有7千幾萬條鯊魚俾人捉左o黎食ar!!!」

(兩個胡亂答了一通)

鯊魚答:「其實d人唔係食我d肉,係食我d背鰭、尾鰭裏面d軟骨,因為呢d地方可以用o黎做魚翅,d人鍾意食魚翅,所以捉晒我d兄弟ar。嗚嗚嗚......」

米妮說:「哎唷,其實魚翅食唔食都無所謂ga,但係咁樣就殺左你地,你地真係好慘呀!」

鯊魚哭著說:「係lor,咁你幫手叫d人唔好食魚翅,如果唔係,下次你見到我,就唔係響海度唱d好難聽ge歌,係死左響張食飯檯度ar。」

------------

故事說完,媽媽把米妮交還妹妹,鯊魚交還哥哥。哥哥好慎重的抱住鯊魚,對著牠說:「鯊魚,我要好好咁保護你。」(媽媽沒想到,這個即興的故事會收到這個效果,心裏很是感動。)

在此,十分感激Os Ka之前在Facebook呼籲我們:

‎7300萬!!!係7300萬呀!!!唔好再食魚翅喇...
「香港只是彈丸之地,卻是全世界最大的魚翅貿易中心,處理全球逾5成的魚翅貿易。每年約有7,300萬條鯊魚被殺,以滿足人類的口腹之慾。根據世界自然保護聯盟紅色名錄2010年的公布,超過180種鯊魚受到絕種威脅。(WWF-HK) 」


又多謝某某曾經分享過「我要食魚翅」這youtube片段,我早前和孩子們看過,他們還學裏面那位小姐玩「典」地大叫「我要食魚翅」,來取笑那位好像沒有魚翅吃會死的小姐。

http://www.youtube.com/watch?v=5E6OzWAQfKM

1 則留言:

  1. 其實當晚一家四口外出吃晚飯,爸爸竟然想點個套餐是包含魚翅的,我們三口一致說「不要魚翅」,哥哥還說:「爸爸,不如散點啦!」我簡單向外子解釋過,剛向他們倆做了愛護鯊魚的環保教育後,爸爸便笑笑口說:「好啦,我地食烏頭!」

    回覆刪除