雅燕媽媽很欣賞那些每晚都和孩子捧書說床邊故事的父母,不過如果有時真的疲憊不堪,精神體力難以撐下去,不妨試試雅燕媽媽這種無書自通自創小故事的方法。
雅燕媽媽通常在倦極的晚上,但又要哄小孩去睡之時,都會請孩子說三至五個人物(風馬牛不相及的也沒關係),然後按照那些人物的特式,發展一個故事給他聽。
由於不相關的人物有時反而會產生一定的化學作用,所以故事發展有時反而會更有趣,讓孩子樂在其中。有時甚至故事還沒有收尾,我就要求孩子快點睡覺,第二晚才說下集。
舉例來說~
角色:米奇、米妮、美人魚、波兒、Thomas(孩子自選)
故事(記得為不同角色配上不同聲線,適當時候加D音效,好像電話響聲、海浪聲等,如此故事聽來便更生動有趣了):
有一日,米妮同米奇講,話想去海邊玩喎,不過米奇就話:「嘩,呢度離海邊好遠ga,不如call Thomas來車我地去啦。」於是,佢地就打電話俾Thomas...
「Do Do...Do Do...」
「喂!你好,我係Thomas(如果記得Thomas開場的音樂,哼埋都無妨 :-))!」
「你好,我係米奇!米妮話想去海邊,你得唔得閒車我地去呀?」
「無問題啦,我地索多島有好多景色怡人ge沙灘,你地過嚟,我車你地去啦。」
於是米奇同米妮就上左去Thomas ge車廂度。(如果孩子很喜歡Thomas,可以加插Thomas一些行車趣事給米奇及米妮知道,情況就如我們坐的士,的士司機喜歡和乘客吹吹水一樣。)
話都無咁快,佢地到左索多島最靚ge沙灘,索多沙灘喇。於是米奇同米妮就同Thomas講bye bye。(如果時間差不多,可以停在這裡,第二晚講續集。)
去到沙灘,米奇同米妮坐左响岸邊一塊岩石上面吹風,享受一下曬太陽ge樂趣。
呢個時候,有位好漂亮ge美人魚公主游上嚟,米奇同米妮見到佢好驚訝,一來佢真係好靚,二來佢地以前只聽見過美人魚ge故事,無見過真ge美人魚,而家終於俾佢地見到喇。
美人魚擔心ge樣子寫左响面上,米妮問:「美人魚你好,我係米妮,你做乜好似好擔心咁呀?」
美人魚就話:「我有個好朋友叫波兒,佢一直住响水裏面,不過呢幾日唔見左佢,佢d妹妹話佢上左岸,所以我想上嚟睇下見唔見到佢啫。」
米奇話:「波兒,係咪『波兒波兒波兒波兒小寶貝』(唱主題曲)嗰個波兒呀?」
美人魚話:「係呀,就係『波兒波兒波兒波兒小寶貝』(唱主題曲)嗰個波兒呀!」
米妮話:「我睇過套卡通片,波兒而家一定係同宗介喺埋一齊,你放心啦,我地一陣上山同你搵宗介間小屋,波兒應該住响嗰度,我地幫你同佢講你好掛住佢,叫佢得閒嚟岸邊搵你啦。」
美人魚好開心咁話:「多謝晒你地呀!咁我放心晒喇。」
角色:米奇、米妮、美人魚、波兒、Thomas(孩子自選)
故事(記得為不同角色配上不同聲線,適當時候加D音效,好像電話響聲、海浪聲等,如此故事聽來便更生動有趣了):
有一日,米妮同米奇講,話想去海邊玩喎,不過米奇就話:「嘩,呢度離海邊好遠ga,不如call Thomas來車我地去啦。」於是,佢地就打電話俾Thomas...
「Do Do...Do Do...」
「喂!你好,我係Thomas(如果記得Thomas開場的音樂,哼埋都無妨 :-))!」
「你好,我係米奇!米妮話想去海邊,你得唔得閒車我地去呀?」
「無問題啦,我地索多島有好多景色怡人ge沙灘,你地過嚟,我車你地去啦。」
於是米奇同米妮就上左去Thomas ge車廂度。(如果孩子很喜歡Thomas,可以加插Thomas一些行車趣事給米奇及米妮知道,情況就如我們坐的士,的士司機喜歡和乘客吹吹水一樣。)
話都無咁快,佢地到左索多島最靚ge沙灘,索多沙灘喇。於是米奇同米妮就同Thomas講bye bye。(如果時間差不多,可以停在這裡,第二晚講續集。)
--------
去到沙灘,米奇同米妮坐左响岸邊一塊岩石上面吹風,享受一下曬太陽ge樂趣。
呢個時候,有位好漂亮ge美人魚公主游上嚟,米奇同米妮見到佢好驚訝,一來佢真係好靚,二來佢地以前只聽見過美人魚ge故事,無見過真ge美人魚,而家終於俾佢地見到喇。
美人魚擔心ge樣子寫左响面上,米妮問:「美人魚你好,我係米妮,你做乜好似好擔心咁呀?」
美人魚就話:「我有個好朋友叫波兒,佢一直住响水裏面,不過呢幾日唔見左佢,佢d妹妹話佢上左岸,所以我想上嚟睇下見唔見到佢啫。」
米奇話:「波兒,係咪『波兒波兒波兒波兒小寶貝』(唱主題曲)嗰個波兒呀?」
美人魚話:「係呀,就係『波兒波兒波兒波兒小寶貝』(唱主題曲)嗰個波兒呀!」
米妮話:「我睇過套卡通片,波兒而家一定係同宗介喺埋一齊,你放心啦,我地一陣上山同你搵宗介間小屋,波兒應該住响嗰度,我地幫你同佢講你好掛住佢,叫佢得閒嚟岸邊搵你啦。」
美人魚好開心咁話:「多謝晒你地呀!咁我放心晒喇。」
========
當然,這些創作故事,其實在很多場合都大派用場,例如:坐車。如果孩子有興趣的話,你不妨邀請他一起創作,除了請他設定人物/場景外,也可以預設結局是開心/悲傷/苦惱或是怎樣。在故事創作的過程中,如果他希望劇情的發展與你想像的有別時,試著採納他的方案,讓他對故事有貢獻,他除了會因著你的肯定而建立對你的信任,提升親子關係外,他的自信、創意及互相尊重的態度,也能藉此培養。
如今,大兒子還會不時提起兒時聽過的搞笑創作故事,好像:
~「A10要求增援」--意念來自他同學的警察媽媽分享第一次開大型警車時的趣事。
~「大雄默書零分」--創作時剛好兒子在幼稚園高班,要上小學適應課,嘗試默書這個期間,雅燕媽媽按著多啦A夢故事的模式(遇上問題>找多啦A夢>出法寶>仍然鬧笑話)創作出搞笑故事。
盼望你和孩子也能創作出你們親子間獨有的故事,讓你們的愛在這些故事中慢慢滋長。
如今,大兒子還會不時提起兒時聽過的搞笑創作故事,好像:
~「A10要求增援」--意念來自他同學的警察媽媽分享第一次開大型警車時的趣事。
~「大雄默書零分」--創作時剛好兒子在幼稚園高班,要上小學適應課,嘗試默書這個期間,雅燕媽媽按著多啦A夢故事的模式(遇上問題>找多啦A夢>出法寶>仍然鬧笑話)創作出搞笑故事。
盼望你和孩子也能創作出你們親子間獨有的故事,讓你們的愛在這些故事中慢慢滋長。
沒有留言:
發佈留言